近年有好多人都會選擇移民到其他國家讀書、就業等。而喺移民之前，大家都會有各方面嘅考慮，尤其係應該住邊一個城市。畢竟唔同城市嘅文化都大相逕庭，要揀一個適合自己嘅地方，先可以住得開心自在。今次我哋會分享英國除倫敦以外6個熱門移民城市，俾有心移居英國但又唔知搵邊到落腳嘅人參考一下。
1. 曼徹斯特市（Manchester）
曼徹斯特市（Manchester）位於英國西北部。佢除咗係英國第三大嘅城市外，仲係最多華人聚居嘅城市之一。根據英國喺2011年嘅人口普查，華人佔咗曼徹斯特市3.4%嘅人口，算係較出名嘅華人區。既然有咁多華人，當地一定唔少得食中菜/亞洲菜嘅地方。人在異鄉，難免會有「思鄉病」，如果你對亞洲菜有要求，曼徹斯特市正正可以解決你嘅飲食需要。除咗食，去到外國亦逃避唔到房屋嘅問題。喺英國，靠北部嘅城市例如曼徹斯特市，樓價都比中南部便宜，現時曼徹斯特平均樓價約16-17萬磅（200萬港幣）左右，所以好多人都會選擇這個城市落腳，減省生活成本。
2. 伯明翰（Birmingham）
伯明翰（Birmingham）同曼徹斯特市一樣，都係知名嘅華人區。根據全國人口普查，華人大約佔伯明翰市人口嘅3.2%。伯明翰位於英國中南部，可以話係英國最中心嘅地帶，好比香港嘅中環。正因如此，佢亦係英國文化最多元嘅城市之一。伯明翰每年接待大概2200萬個旅客，繁華程度僅次於倫敦，移居伯明翰完全可以感受到大都會嘅熱鬧。然而伯明翰位於英國中南部，房價亦會較上面提到嘅曼徹斯特市貴，但相對地佢嘅治安比起北部嘅城市好，犯罪率亦較低，令人住得安心啲。如果係去外國讀書嘅，伯明翰都不乏出名嘅學府，例如伯明翰大學、法律大學，吸引左唔少家長選擇呢個城市作為落腳點。
3. 布里斯托（Bristol）
布里斯托（Bristol）位於英國西南部嘅一個城市。即使布里斯托嘅面積唔大，佢都會俾人一種置身大城市嘅感覺。雖然同為南部城市，但布里斯托嘅生活費例如房價、日常生活開支等就比倫敦平得多；而且由布里斯托去倫敦，快嘅話一個鐘多少少就會到，非常方便。布里斯托唔似曼徹斯特市同伯明翰，當地華人嘅數量唔多，對於怕生或者想接觸熟悉面孔嘅人嚟講可能接受程度一般；但如果想感受英國文化，融入當地生活，布里斯托可以話係一個非常受歡迎嘅選擇。
4. 雷丁（Reading）
雷丁（Reading）位於英國東南部，喺個人口密度較低的城市，生活亦較為悠閒。雷丁有幾個非常吸引人移居嘅原因，首先佢十分接近倫敦，最快一個鐘就可以到，非常方便喺倫敦返工，但又唔想喺倫敦比貴租或買貴樓嘅人。第二，雷丁的發展越來越好，區內有多間國際科技公司林立，有發達嘅科技商業中心，提供唔少就業機會俾移民當地嘅人。第三，雷丁嘅社區設施完備，就好似一個「細倫敦」一樣，應有盡有，例如大型購物中心Oracle，唔同嘅政府部門、公共機構等，可以話係一個非常宜居嘅英國城市。
5. 薩里（Surrey）
薩里（Surrey）同雷丁一樣位於英國東南部，同大城市倫敦好接近，搭火車只係需要半個鐘車程。薩里係一個較富裕嘅城市，所以當地生活質素、社區配備亦都較完善。雖然同為大城市，薩里嘅樓價就比倫敦平。根據資料，2021年倫敦嘅樓價大約500,000英磅，而薩里嘅樓價約莫470,000英磅左右。既然兩個城市相差唔大，薩里嘅樓價又比倫敦平，對於想喺大城市生活，又想喺倫敦工作嘅移民人士嚟講可以話係非常優質嘅選擇。另外，薩里係英國森林比例最高嘅地區，俾移居英國嘅人享受大城市生活之餘都可以親近大自然。
6. 布萊頓（Brighton）
布萊頓（Brighton）係位於英國南部嘅濱海旅遊城市，人口密度唔高，大約有三十二萬人。同雷丁、薩里一樣，布萊頓距離倫敦非常近，搭火車都只係一個鐘車程，交通非常方便。此外，布萊頓沙灘十分有名，佢周圍有好多海鮮餐廳、觀光設施等等，好適合想享受人生、放鬆自我嘅人移居。雖說布萊頓係旅遊區，佢都有兩間非常唔錯嘅學府，分別係布萊頓大學（University of Brighton）同薩塞克斯大學（University of Sussex），所以布萊頓係一個好適合work life balance嘅地方。
以上六個城市各有特色，亦是最受歡迎的華人英國居住地區之一，希望上述分享能幫助大家更快找到適合自己的居住地！如果你想進一步了解英國生活，或者對移民英國有任何疑問，歡迎隨時聯絡我們 SHARLO！
