講起移民，相信英國係唔少港人嘅首選國家，但考慮移民嘅時候除咗諗呢個地方你鍾唔鍾意，仲要諗埋唔少現實嘅問題，譬如當地嘅人工係咪符合你心目中所想，生活質素相比起香港又係咪更加好？今日就由我幫大家比較五大香港同英國熱門工種薪酬，俾大家了解下兩地人工嘅差別。
1. 資訊科技
如果你係諗住IT移民或者從事IT行業，咁移民英國的確係一個好嘅選擇，因為英國需要各類IT人才，而且人工普遍比香港高，即使最基本嘅職位，人工都唔會太差，可以參考以下啱啱入行做IT職位嘅人工：
香港資訊科技助理人工：月薪17,000港幣
英國資訊科技技術人員人工：月薪25,659港元 （年薪£30,791，即是約31萬港元）
2. 會計師
會計師呢一行無論去邊個國家都係熱門工種，身為會計師嘅你，如果想移民英國都好有優勢，畢竟每間公司都需要人管理財產，以下係英國同香港會計師人工嘅差別：
香港會計師人工：月薪30,000港幣起
英國會計師人工：月薪31,314港幣 (年薪£36,171，即是約375,769港元）
3. 數據分析師
有意從事IT工作嘅你，啱啱到英國可以考慮較易入行嘅數據分析師。這個專業需要收集大數據進行分析，包括評估同分析過往嘅商業活動，再傳達俾客人，以助客人投資或做買賣時達至最高效益。英國同香港嘅數據分析師人工差別唔大，可以參考以下嘅數據：
香港數據分析師人工：月薪24,000港幣
英國數據分析師人工：月薪26,251港幣 (年薪£30,323，即是約315,017港元）
4. 市場營銷
市場營銷入行門檻低，基本上唔需要指定學位都可以去勝任，所以呢個職位好啱擔心學位唔夠專業嘅人。而且呢份工都算有趣，需要同不同單位合作，因此可以見識唔同人同公司，相信喺返工嘅同時都可以令你學到唔少嘢！
香港市場推廣助理：月薪15,374港元
英國銷售和零售助理：月薪15,665港幣 (年薪£18,798，即是約19萬港元）
5. 行政及人力資源
行政人力資源呢份工一向都深受好多人關注，因為唔止單易入行，而且屬於穩定嘅工種。佢涉及嘅範圍亦比較廣，包括接待員到秘書、文員、人力資源主任等等。
香港人力資源助理人工：月薪17,000港元
英國人力資源行政人工：月薪17,743港幣 (年薪£21,292，即是約21萬港元）
綜觀以上，其實美國嘅薪酬同香港差唔多，一些專業嘅職位甚至會比香港待遇好，英國亦比香港注重work-life balance，所以移民英國的確係一個唔錯嘅選擇。如果你哋想知道更多港人移民後嘅生活，歡迎嚟到 SHARLO 了解更多！
