英國真係烏托邦?【移民英國可能會遇到嘅五大問題】

究竟移民英國之後係咪就可以過上無憂無慮嘅日子?以下係唔少港人喺英國遇到嘅五大困難,大家睇下到底英國啱唔啱自己生活啦!

之前英國政府推出BNO移民方法,令唔少香港人成個腦都充滿住去到英國之後美滿生活嘅畫面。雖然呢個移民方法好吸引,但都要問清楚自己,究竟有冇心理準備面對移民到英國之後可能會遇到嘅種種問題呢?究竟係咪移民英國之後就可以過上無憂無慮嘅日子?以下係唔少港人喺英國遇到嘅五大困難,生活、治安、天氣、等問題都是大家需要正視嘅重要因素。大家睇下到底英國啱唔啱自己生活啦!

1. 二等公民

排華現象喺英國並唔罕見,唔少在英港人指出喺英國會經常會俾人望住,令佢哋覺得周身唔自在。有陣時甚至覺得自己同土生土長嘅英國人有好明顯嘅差別待遇。雖然佢哋冇遭受到武力對待,但日常生活中經常受到英國人嘅冷嘲熱諷都令唔少移民到英國嘅港人感到鬱悶,甚至產生後悔嘅念頭。

2. 物價高

香港物價一直都唔平,但千其唔好以為移民到英國可以減輕經濟負擔,因為英國物價指數仲高過香港。喺英國如果好掛住香港,諗住行轉亞洲超市或者食餐中餐解愁,個價錢分分鐘會令你卻步。有港人指出雖然英國有亞洲超市,但當中嘅魚蛋、出前一丁等食物都貴過香港,而且中餐嘅點心、蛋撻等價錢都唔平。除此之外,交通費、電費等等費用都頗貴,所以如果想移民英國,學識點樣慳錢都好重要!

3. 治安問題

英國嘅治安問題的確係差過香港,街上有好多小偷,入屋爆竊案件都唔少。亦有港人表示曾經喺英國街頭俾人跟蹤甚至襲擊。所以如果想移民去英國,最好搵犯罪率無咁高嘅地方居住。

4. 天氣惡劣

唔少喺英國生活好多年嘅港人,至今都仲適應緊英國嘅天氣。好多人都指出英國嘅冬天特別凍,凍到令人瞓唔到。入黑之後周圍漆黑一片,而且有陣時仲會突然行雷閃電同落暴雨。所以如果自問會因為天氣變差而導致心情跟住變差嘅你,就要諗清楚英國係咪真係適合你生活。

5. 生活枯燥無味

喺香港就話有班朋友可以隨時約出去飲酒、打麻雀同開party,但移民到英國可能就無咁多娛樂。上面都有指出排華情況喺英國無處不在,好少英國人會同華人一齊玩,所以除非你喺英國有一班香港人朋友,如果唔係,都未必咁易搵到人陪你吃喝玩樂。

以上就係移民到英國可能會遇到嘅五大困難,移民英國後就如踏出舒適圈,會遇到很多前所未見的問題,但只要大家移民到英國前深思熟慮、評估移民英國的利弊、規劃好到英國的生活才移民就無問題啦。如果你想進一步了解移民到其他國家嘅困難,或者對以上資料有任何疑問,歡迎隨時聯絡我哋 SHARLO 嘅 Mentor!

想聽吓更多關於
喺海外生活嘅經驗?

第一步
輸入你的疑問、煩惱或想了解的範疇
第二步
AI 推薦合適分享者
第三步
進行線上咨詢
Previous
Next

有相關問題想問分享者?

第一步
輸入你的疑問、煩惱或想了解的範疇
第二步
AI 推薦合適分享者
第三步
進行線上咨詢
Previous
Next

相關文章

香港vs英國 熱門工種薪酬比較 

講起移民,相信英國係唔少港人嘅首選國家,但考慮移民嘅時候除咗諗呢個地方你鍾唔鍾意,仲要諗埋唔少現實嘅問題,譬如當地嘅人工係咪符合你心目中所想,生活質素相比起香港又係咪更加好?今日就由我幫大家比較五大香港同英國熱門工種薪酬,俾大家了解下兩地人工嘅差別。

Read More »

最常見5種移民英國方法

近年好多人都會移民到其他國家生活,而英國就係其中一個最熱門嘅地方。移民英國有好多唔同方法,你又了解幾多呢?下面將會介紹最常見5種移民英國嘅方法,希望俾大家參考吓!

Read More »