英國洗費知多啲!移民英國衣、食、住、行四大洗費!

好多香港嘅朋友喺移民前都會好擔心一樣嘢—英國生活費。「英國樓價貴唔貴?一個月係咪要洗幾萬蚊港紙?」各種同「支出」有關嘅問題不斷湧現。今次我哋會分享一下喺英國衣、食、住、行四大洗費;再同香港比較吓有咩異同,等想去英國生活嘅人參考吓。

近年好多人都會移居其他地方生活,而英國就係熱門嘅地方之一。英國除咗有好多高等學府,環境亦非常舒適。但好多香港嘅朋友喺移民前都會好擔心一樣嘢—英國生活費。「英國樓價貴唔貴?一個月係咪要洗幾萬蚊港紙?」各種同「支出」有關嘅問題不斷湧現。今次我哋會分享一下喺英國衣、食、住、行四大洗費;再同香港比較吓有咩異同,等想去英國生活嘅人參考吓。

衣—買衫好貴,不如帶哂香港嘅衫過去?

好多去英國生活嘅人,尤其係學生,都希望塞哂所有嘢入行李,盡量減低自己係英國嘅開銷。但其實英國都有唔少平價時裝店,喺減價時段啲衫褲鞋襪分分鐘比香港平,所以唔洗太擔心英國嘅服裝會好貴。英國廉價服裝店比較出名嘅有Primark、Topshop等,一件單品大約5-10英磅(港幣$47-96)就有交易,其他日常用品好似毛巾咁約2蚊英磅(大約港幣$19)就有。另外,英國都有香港人好鍾意嘅時裝品牌UNIQLO、MUJI同ZARA等等,價錢同香港嘅差唔多,所以都唔需要太擔心服裝嘅問題。

食—英國食嘢出名貴,唔想荷包大出血可以點?

講到食,好多人都會話英國食嘢好貴,其實都錯唔哂。英國如果出街食,喺倫敦商業地區食午餐大概要11-15英磅(大約港幣$105-142);麥當勞、KFC等嘅快餐店就要5-6英磅左右(大約港幣$47-57)。而夜晚想食好啲嘅話,西餐平嘅可能要40-50英磅(大約港幣$380-474),貴嘅甚至去到100英磅(大約港幣$950),比起香港會貴少少。順帶一提,相信大家唔會對英國嘅貼士文化感到陌生。有些場合下,在英國給小費還是必須的潛規則,通常普通西餐廳要比10至15%左右嘅小費。有埋呢個因素,成日出外用膳的確會令荷包出血。所以,大家不防選擇自己煮,係超市買食材價錢相對相宜好多。除咗一啲香港人熟悉嘅超市Tesco、Morrisons之外,Aldi、Lidi都係好好嘅選擇。如果撞正特價時段,大概1.99英磅(約港幣$20)就買到一包漢堡扒,5.99英磅(約港幣$60)就買到份肉眼扒,可以話比出街食划算得多,一個月食費$4000-5000港幣就搞得掂。

住—英國樓價同香港係咪差唔多?

英國較貴嘅樓基本上都集中喺倫敦,以倫敦為中心一直向外擴展嘅平均樓價就會越遠越平。倫敦(2022年)嘅平均樓價大約係51.8萬英磅(約港幣$490萬),遠遠拋離其他地區。而喺倫敦附近嘅雷丁、沃金等地區嘅平均樓價大概係42.2萬英磅(約港幣$400萬)。至於再遠啲嘅城市好似西北區嘅曼徹斯特市,平均樓價大概20.5萬英磅(約港幣$190萬),不過要留意嘅係呢啲城市距離倫敦甚遠,出大城市嘅車費相對貴啲,所以大家選擇移居地點時都要考慮埋車費因素。如果唔想咁快買樓,大家都可以選擇租。最貴嘅倫敦單位每月平均租金高達1650英磅(約港幣$15500),其實同香港比都算平。而倫敦以外嘅地區好似曼徹斯特市一房單位月租約700英磅(約港幣$6500),兩至三房月租則900-1200英磅左右(約港幣$8500-11200)。

行—英國交通費大概幾多錢?

以最繁忙嘅城市倫敦為例,它同香港一樣有地鐵,不過交通費就比香港貴得多。倫敦一張地鐵單程車票嘅票價係4.9英磅(約港幣$46),如果每次都買單程車票嘅話一個月嘅支出就非常多。所以一般人都會買Oyster Card或者Travelcard,好似八達通咁,用呢啲卡每程車就可以慳一半至三分一,例如由Zone 1去Zone 2只需要俾2.4英磅(約港幣$23)。

以上就係英國衣、食、住、行大約嘅開支,雖然有啲方面例如樓價係比香港平,但交通費、外出用膳等就會貴啲。希望上述分享可以令大家更了解喺英國居住嘅日常洗費。如果你想進一步了解英國生活,或者對移民英國有任何疑問,歡迎隨時聯絡我哋 SHARLO

以上就係英國衣、食、住、行大約嘅開支,雖然有啲方面例如樓價係比香港平,但交通費、外出用膳等就會貴啲。希望上述分享可以令大家更了解喺英國居住嘅日常洗費。如果你想進一步了解英國生活,或者對移民英國有任何疑問,歡迎隨時聯絡我哋 SHARLO 嘅 Mentor 問清楚!

想聽吓更多關於
喺海外生活嘅經驗?

第一步
輸入你的疑問、煩惱或想了解的範疇
第二步
AI 推薦合適分享者
第三步
進行線上咨詢
Previous
Next

有相關問題想問分享者?

第一步
輸入你的疑問、煩惱或想了解的範疇
第二步
AI 推薦合適分享者
第三步
進行線上咨詢
Previous
Next

相關文章

香港vs英國 熱門工種薪酬比較 

講起移民,相信英國係唔少港人嘅首選國家,但考慮移民嘅時候除咗諗呢個地方你鍾唔鍾意,仲要諗埋唔少現實嘅問題,譬如當地嘅人工係咪符合你心目中所想,生活質素相比起香港又係咪更加好?今日就由我幫大家比較五大香港同英國熱門工種薪酬,俾大家了解下兩地人工嘅差別。

Read More »

最常見5種移民英國方法

近年好多人都會移民到其他國家生活,而英國就係其中一個最熱門嘅地方。移民英國有好多唔同方法,你又了解幾多呢?下面將會介紹最常見5種移民英國嘅方法,希望俾大家參考吓!

Read More »