Melody 多倫多讀書分享 |自己一個去多倫多讀書都可以好開心!

我 High School 畢咗業之後就開始返 full time,每日朝八晚四,加拿大生活節奏慢,而且無論返咩工都會好早放工,所以放咗工仲有大把時間去行吓街約朋友玩吓。

Hello 大家好! 我叫 Mel,今年17歲,啱啱喺加拿大放假返嚟,準備下年入讀University of Toronto (多倫多大學)。我知道近年好多香港人都計劃去外國讀書或者移民,作為過來人,我好明白突然要去另一個地方生活一定有好多問題及顧慮,所以我想同大家分享下我呢兩三年自己一個人喺多倫多嘅生活點滴。

加拿大 High School 讀書氣氛

相信大家決定去外國都會有唔同嘅原因,於我而言就係因為多倫多嘅教育制度較適合我,早啲過去對升學亦會有優勢。申請去加拿大讀書相對簡單,因為加拿大係好歡迎外地人留學同移民。所以我喺香港讀完中三就去咗加拿大,喺離 Toronto (多倫多) 50 分鐘車程嘅 Hamilton ( 哈密爾頓 )讀 Boarding High School。

加拿大基本上係移民國家,本地人由細到大都會接觸到唔同種族既人,所以好少人會種族歧視!我係加拿大嘅校園生活亦好開心,因為同學們都好願意接納唔同國籍嘅人。我初初去到都擔心會搵唔到朋友,但一返到學校大家都好歡迎我,我亦好快搵到班好好嘅朋友仔!喺嗰邊讀書比起香港係容易啲哈哈,放學之後唔需要衝返屋企溫書。

18歲以下去會有咩問題?

因為疫情導致我第一年淨喺可以喺宿舍上 Online Lesson ,冇得出街,所以最後轉咗去讀 Public School,但衍生出嚟嘅新問題就係要自己一個搬出去住。18歲以下要監護人同意先可以自己租屋住,我喺多倫多無親無故,所以搞咗好耐,最終要靠中介公司俾錢搵當地居民做監護人簽名同意我先可以租屋。 

我最後揀咗喺 North York (北約克)住,啱啱開始自己一個生活時都好驚衣食住行唔習慣,但 North York Yonge Street 有好多亞洲嘢食,所以之前諗都冇諗就揀咗搬去嗰邊。但後來物價係咁升,住喺 North York 仲貴過喺 Downtown!

多倫多住洗唔洗識揸車? 

多倫多地鐵同香港唔同,無論咩距離都好,每程都係收 CAD 3.5 (約HKD 21)。所以有啲朋友有錯覺以為住喺地鐵站附近就唔洗揸車,但咁諗就太天真喇。由於 Yonge & Eglington (mid-town)長期都有工程施工,所以果邊地鐵好唔穩定,一時就遲到,一時就壞車,加上 North York 地區偏遠,所以我逼於無奈都係選擇揸車。

考車牌成個過程大約要 2 – 3 年,分G1筆試,G2 第一路試同第二路試,考完 G1 要等12個月先可以考 G2,有報讀 Driving School 就只需要等 8個月,而日後買車保亦會平啲!呢幾年油價係咁升,如果日日都揸車嘅話,一個星期普通油入滿都需要 CAD 80 -100 (約HKD 480 – 600 )。

做兼職要考牌?

大家應該都知去外國無論係出街食飯或者嗌外賣,埋單嗰陣時會有個 Tip Option,大多數人禮貌上都會俾返10%。

喺加拿大做飲食業要有個牌,叫 Smartserve,考咗之後就可以開始做飲食業相關嘅工例如咖啡師、Bartender咁,而我就選擇咗去做 Cafe。

喺多倫多返工其實好開心,啲客又 Nice,同事又好,雖然只係 Part-time 不過每日都好期待返工!我係多倫多打工嘅 Base Salary 係 CAD 17 (約HKD 102), 而當地最低工資係 CAD 14 (約HKD 90),所以好感恩冇經驗嘅我都算係搵到份好工。我 High School 畢咗業之後就開始返 full time,每日朝八晚四,加拿大生活節奏慢,而且無論返咩工都會好早放工,所以放咗工仲有大把時間去行吓街約朋友玩吓。

【想知佢之後返咩工?】(link box to log-in page)

行街行到腳軟

講起行街首選一定係去 Downtown, Downtown 有 Eaton Center、Queens Street、Yonge street 等等,全部都好多嘢行,各式各樣嘅商店都有!行到攰就可以過附近Chinatown 食嘢,我一開始完全冇諗過中菜同亞洲菜竟然會有咁多!

如果你係住 Markham 或者 Scarborough就一定唔洗擔心,有大把地方適合放工放學後去放鬆下。附近有 Pacific Mall,Hwy7 ,Omomo(類似香港嘅十二蚊店),多到講唔哂。需要去華人超市嘅朋友可以去 TNT大統華、Sunny supermarket,就算人在異地都唔會太過唔習慣!

多倫多亦有好多outlets,但留意返加拿大嘅sales tax 係13%,所以有香港戶籍嘅朋友仔記得拎定 Passport ,唔係就冇得退稅㗎喇!

見到雪係真係好開心

講起加拿大又點少得果邊嘅大自然美境呢!加拿大有好多 Provincial Park,當中 Algonquin, Arrowhead, Esker lake, Long Point, Darlington等等都係我嘅至愛,鐘意郊外地方既你一定啱哂!

喺 Provincial Park 露營比起香港正好多,夏天有陽光有微風,熱得黎又舒服,夜晚雖然會涼少少,著件Hoodie 開個camp fire 就啱啱好!冬天就好凍好凍,-20度都可能有,不過喺多倫多第一次見到雪係真係好開心。如果你鍾意滑雪,我誠意推介 Blue Mountain,Blue Mountain係滑雪首選勝地,我覺得係多倫多最靚最好玩嘅地方!Blue Mountain 由11月開到4月,就算幾忙都一定搵到時間!

今日講住咁多先,如果你仲有問題或者想知多啲嚟 Toronto 讀 High School 嘅生活,歡迎隨時嚟 SHARLO 問我! 

有相關問題想問分享者?

第一步
輸入你的疑問、煩惱或想了解的範疇
第二步
AI 推薦合適分享者
第三步
進行線上咨詢
Previous
Next

有相關問題想問分享者?

第一步
輸入你的疑問、煩惱或想了解的範疇
第二步
AI 推薦合適分享者
第三步
進行線上咨詢
Previous
Next

相關分享