一講起移民去英國，教育界影響尤其深，根據教育局，2021/22學年中小學教師流失4,050人，創5年新高。與此同時，英國教育部喺早前宣布下年2023年開始將會放寬海外老師喺英國註冊嘅資格，老師只需要遞交合資格嘅證明同符合相關條件，就可以喺英國任教啦。
獲取 Qualified Teacher Status (QTS)
想喺英國做合資格註冊教師，必須要通過Qualified Teacher Status (QTS)嘅評核，以下係QTS嘅基本要求：
- 擁有同英國學士學位相同學術標準嘅本科學位，而且已完成教師培訓
- 學術標準與培訓時間至少要同英格蘭嘅初級教師培訓課程一樣
- 獲得資格後至少有一年嘅教師工作經驗
- 持有數學科目成績相當於GCSE 4級嘅資格證書；打算任教小學嘅老師都需要持有證明科學科目達到相當於GCSE 4級嘅資格
- 至少要有CEFR B2嘅英文水平（除非來自英語國家，或者已經擁有英文學位）
- 申請人需要喺合格嘅國家/地區具有成為教師所需嘅專業地位，並且唔受任何條件或對其執教嘅限制
上述提及到老師要提供數學同科學科目嘅成績同證書，相信唔少申請人都未有相關證明。因此，英國教育部指出會喺2022年秋季更新提供證書同資格證明嘅指引，並會喺2023年更新指引協助申請者提供資格證明。
獲得 Qualified Teacher Status (QTS)程序
此外，都有唔少老師移民到英國後一邊工作一邊考取QTS，以下係相關步驟：
- 申請Get into Teaching
- 申請School Directed (Salaried)
- 獲學校聘用為unqualified teacher
- 申請NARIC學歷認證或者通過Equivalency test
- 喺學校進行在職訓練
- 展示自己嘅教學能力
- 學校幫你申請QTS
- 期末考核合格後，便可以獲得QTS證書
以上就係香港老師移民到英國做返本行嘅方法，由於好多資料都要等英國教育部下年確認，所以可能都會有變數。不過大家喺等待嘅過程中都可以做足準備先，例如申請定相關學歷或者資格證明。希望今次呢篇文可以幫到想移民到英國繼續做老師嘅你！如果你想進一步了解其他行業嘅人移民到其他國家後如何做返呢一行，或者對以上資料有任何疑問，歡迎隨時聯絡我哋 SHARLO。
