【寵物移民清單】唔需要靠寵物移民公司,自己都可以幫貓狗移民?

近年香港掀起「移民潮」,相信唔少毛孩家長都唔捨得將毛孩留喺香港俾親友照顧,想帶埋毛孩一齊去海外。但除咗要準備自己移民嘅事項之餘,仲要幫自己嘅寵物移民,咁多嘅資料一定會令到唔少毛孩家長覺得無從入手同埋麻煩。

 近年香港掀起「移民潮」,相信唔少毛孩家長都唔捨得將毛孩留喺香港俾親友照顧,想帶埋毛孩一齊去海外。但除咗要準備自己移民嘅事項之餘,仲要幫自己嘅寵物移民,咁多嘅資料一定會令到唔少毛孩家長覺得無從入手同埋麻煩,今次就等我幫大家整理個寵物移民懶人包,等大家知道究竟寵物移民需要做啲咩準備啦!

寵物移民入境要求:

獸醫健康檢查及健康證明書:寵物移民前要得到合資格獸醫簽發嘅寵物健康證明文件,當中需要清楚列明主人資料、獸醫資料、動物晶片資料、動物外型、疫苗注射記錄同埋驗血記錄等。臨上機前五日內(適用於狗)或者十日內(適用於貓)要透過漁護署辦理健康證明書。

  1. 晶片:國際認可嘅晶片有AVID同ISO兩種晶片,唔少國家都要求寵物要植入晶片,而且規格各有不同,建議上當地政府網站查看。以英國為例,由於英國機場冇AVID晶片機識別寵物身份,所以如果移民至英國,記得係要植入ISO晶片。
  2. 預防針與疫苗:各國規定有所唔同,以英國為例,入境英國嘅寵物必須至少喺21日前接種有效嘅狂犬病疫苗。要特別留意嘅係,香港狂犬病疫苗有效期為3年,而英國有效期為1年,移民前要睇清楚,因為如果已經過有效期,漁護署會拒絕加簽英國寵物健康證明。
  3. 接受杜蟲治療:如果移民去英國,養狗嘅主人要留意,記得喺出發前至少24小時至5日內,帶自己隻狗接受杜蟲治療。
  4. 訂購機票:唔同航空公司對於可以上機嘅寵物品種有唔同限制。

運輸方法:

主人上機前需要留意每間航空公司都有獨特嘅寵物飛行條例,對運送寵物嘅要求同手續都有些許唔同,而寵物搭飛機嘅方法主要分三種。:

  1. 托運:寵物以行李托運方式登機,同主人一齊乘搭同一班機前往目的地,呢個係最多人揀嘅選擇!
  2. 貨運:寵物以貨物形式乘搭貨機前往目的地。主人要留意寵物籠一定要符合國際航空運輸協會嘅要求,同埋要按照寵物嘅體重同尺寸揀適合嘅寵物籠,令寵物有足夠空間可以正常伸展、自由轉身同瞓低。
  3. 私人飛機:呢個價錢最貴,但寵物可以同主人一齊留喺客艙,係令寵物覺得最舒適最有安全感嘅方法!

寵物移民申請需時幾耐?

寵物移民嘅辦理手續時間相比起主人會更加長。主人需要清楚知道,唔同國家對寵物嘅檢疫同文件要求各有唔同。一般嚟講,最短需要提早4至5個月準備,例如英國、韓國、新加坡等國家;部份國家甚至要提早9個月辦理寵物移民手續,例如日本、台灣、澳洲等。

疫情之下寵物需要隔離嗎?

新冠肺炎肆虐全球,唔同國家有唔同政策,例如前往美國、加拿大等國家,就唔需要隔離,但如果前往台灣、澳洲等,就需要隔離。由於唔少國家疫情時好時差,所以主人喺帶同寵物移民前,要留意各國防疫措施,因為隨時會因為疫情情況而更改動物隔離政策。

寵物移民費用大概需要幾錢?

  由港幣一萬至五萬不等,費用包括文件、手續、身體檢查、植入晶片、機票、隔離費用等等。

以上就是寵物移民嘅一啲準備事項、注意事項及常現問題。如果你想進一步了解某國啲寵物移民政策,或者對以上資料有任何疑問,歡迎隨時聯絡我哋 SHARLO!

想聽吓更多關於
喺海外生活嘅經驗?

第一步
輸入你的疑問、煩惱或想了解的範疇
第二步
AI 推薦合適分享者
第三步
進行線上咨詢
Previous
Next

有相關問題想問分享者?

第一步
輸入你的疑問、煩惱或想了解的範疇
第二步
AI 推薦合適分享者
第三步
進行線上咨詢
Previous
Next

相關文章

香港vs英國 熱門工種薪酬比較 

講起移民,相信英國係唔少港人嘅首選國家,但考慮移民嘅時候除咗諗呢個地方你鍾唔鍾意,仲要諗埋唔少現實嘅問題,譬如當地嘅人工係咪符合你心目中所想,生活質素相比起香港又係咪更加好?今日就由我幫大家比較五大香港同英國熱門工種薪酬,俾大家了解下兩地人工嘅差別。

Read More »