俗語有云「民以食為天」，相信近年唔少香港人移民到其他國家或多或少都會擔心當地嘅飲食會唔啱自己，又或者移民後會好掛住中菜。其實，唔同地方飲食文化都各有特色，既然遠赴他國，不妨入鄉隨俗、感受一下當地嘅特色。今次我哋將會分享一下4個國家：英國、加拿大、澳洲及日本較為普遍嘅飲食文化，等有意移民嘅人參考吓！
- 英國—一日之計在於「早餐」！
英國人嘅食量平均比亞洲人大，尤其早餐嘅份量可謂十分驚人。All day breakfast 就是最經典的英式早餐，一份標準嘅英式早餐會有：煙肉、煎蛋、蘑菇、蕃茄、腸仔、薯條……差唔多係港人早餐嘅兩倍，亦比其他地方嘅早餐大份。英國嘅早餐之所以咁大份係因為佢哋十分重視早餐，並認為呢個係一日中最重要嘅一餐。可能基於呢個原因，佢哋午餐會比較簡便，通常食三文治或其他凍食便草草了事。如果去到英國生活，學習整All day breakfast 都係一個唔錯嘅開始！
- 加拿大—餐餐都係「自助餐」
加拿大嘅飲食文化同香港好唔同，主要有兩大特別之處。第一，同香港人鍾意食熱食（好似煮完飯要熱食）唔同，佢哋更鍾意食冷食。但佢哋嘅冷食唔似我哋食開嘅冷盤，而係將飯餸一早煮定，然後放出嚟等客人到齊再食。由於食物烹調嘅時間比較早，所以招呼客人時食物已經變成涼食，加拿大人會稱之為「冷餐宴會」。第二，加拿大人好少講究座位排席。如果請朋友去自己屋企食飯，通常會好似食自助餐咁，夾完嘢食之後會走來走去、同朋友傾偈，食完一輪又去枱到夾嘢食，好少話好似香港人咁要全部人坐定定食完餐飯。
- 澳洲—冷食為主
喺澳洲，佢哋嘅主餐係晚餐，所以好多時早午餐都係以冷食為主，而且澳洲位於南半球，天氣較溫和，所以澳洲人對熱量嘅需求較細。例如早餐佢哋多數會食一塊麵包、飲杯牛奶就可以；而中午最常見係食個三文治，或者一個派（Pie）再加生果，好少有熱食好似炒飯咁。仲有，澳洲人一般唔會飲熱湯，就算係西式濃湯都只係間中一兩次，佢哋更多時係飲果汁、牛奶、啤酒或者其他凍飲等等。值得一提，澳洲係某些公共場合係不准飲食的，例如醫院、學校，除了在指定地方係不能吃東西。另外，雖然沒有嚴謹規定，但公共交通工具例如巴士及火車，係不可以吃麵包、濃味的食物，喝水或吃零食是允許的。
- 日本—筷子禮儀要做足
相信日本嘅飲食文化對大家嚟講都唔陌生，例如食拉麵要吮得大聲啲先代表好食、壽司嚿飯唔好點到豉油等。但今次想着重講日本人嘅筷子禮儀，分分鐘俾香港人更講究。首先，日本人唔會刨筷子，將木屑掃走，而唔用/用完嘅時候就會將佢合併。另外，使用筷子嘅時候都有好多避免要做嘅行為，例如夾餸之後應該先食一啖飯，再夾餸，唔好夾完一道餸又即刻夾第二道；同埋唔好將筷子擺喺碗或者碟上面。日本對飲食禮儀可以話嚴謹非常多，去日本食嘢嘅時候就要留意啦。
以上就係4個喺香港比較熱門嘅移居國家嘅飲食文化淺談，希望以上分享令大家更了解唔同國家嘅特別飲食文化。如果你想進一步了解其他國家嘅生活，或者對移民有任何疑問，歡迎隨時聯絡我哋Sharlo！
